उदयपुरका स्थानीय तहको बेरुजु साढे ३१ करोड बढी

उदयपुरका ८ वटा स्थानीयतहमा साढे ३१ करोडभन्दा बढी बेरुजु रहेको छ। भर्खरै सार्वजनिक महालेखा परीक्षक (मलेप)को ६२ औँ वार्षिक लेखापरीक्षण प्रतिवेदनले बेरुजुको सो आँकडा देखाएको हो।

प्रतिवेदन अनुसार ४ नगरपालिका र ४ गाउँपालिका रहेको उदयपुरमा अघिल्लो आर्थिकवर्ष २०८०/०८१ को मलेपले ३१ करोड ५४ लाख ४३ हजार रुपैयाँ बेरुजु देखाएको हो। मलेप प्रतिवेदन अनुसार जिल्लाका ८ स्थानीयतहमध्ये सबैभन्दा धेरै बेरुजु त्रियुगा नगरपालिकाको र सबैभन्दा कम उदयपुरगढी गाउँपालिकाको देखाएको छ।