‘करबाट संकलित रकमको एक रुपैयाँ पनि दुरुपयोग हुँदैन’

काठमाडौँ। सूचना तथा सञ्चारमन्त्री विक्रम तिमिल्सिनाले जनताको करबाट संकलित रकमको एक रुपैयाँ पनि दुरुपयोग नहुने दाबी गरेका छन्।

राष्ट्रिय सभा बैठकमा सोमबार आफ्नो मन्त्रालयमाथिको विनियोजित बजेटमाथिको छलफलका क्रममा उठेका प्रश्नको जवाफ दिँदै उनले यस्तो बताएका हुन्। उनले विनियोजित बजेट तोकिएको उद्देश्य र मापदण्डअनुसार मात्र खर्च हुुने र मितव्ययिता, पारदर्शिता, उत्तरदायित्व र सुशासन सुनिश्चित गर्न सरकार प्रतिबद्ध रहेको दाबी गरे।