धनगढीमा २ हजार ३२१ महिलाको पाठेघर परीक्षण

धनगढी । धनगढी उपमहानगरपालिकाले सञ्चालन गरेको प्रजनन स्वास्थ्यसम्बन्धी विशेष स्क्रिनिङ कार्यक्रमअन्तर्गत २ हजार ३२१ महिलाको पाठेघरको मुखको क्यान्सर (एचपिभी डीएनए) परीक्षण गरिएको छ । परीक्षणका क्रममा २३३ जनामा एचपिभी संक्रमण (पोजेटिभ) देखिएको उपमहानगरपालिकाले जनाएको छ ।

उपमहानगरपालिकाका अनुसार २०८२ चैत २५ गतेदेखि २०८३ जेठ १० गतेसम्म नगरका २० स्थानमा प्रजनन स्वास्थ्य शिविर सञ्चालन गरिएको थियो । शिविरमार्फत पाठेघरको मुखको क्यान्सर, आङ खस्ने, फिस्टुला तथा स्तन क्यान्सरको स्क्रिनिङ गरिएको थियो ।