एनसेलको नाम दुरुपयोग गरी फैलाइएका भ्रामक प्रचारप्रति सचेत रहन आग्रह

१ असार, काठमाडौं । एनसेल आजियाटा लिमिटेडले आफ्नो नाम र लोगोको दुरुपयोग गर्दै सामाजिक सञ्जालका विभिन्न फेसबुक पेज तथा लिंकमार्फत नगद पुरस्कार जित्न सकिने भन्दै फैलाइँदै आएका भ्रामक प्रचारप्रति सर्वसाधारणलाई सचेत रहन आग्रह गरेको छ।

कम्पनीका अनुसार वार्षिकोत्सवको अवसरमा नगद रकम जित्ने अवसर दिइएको दाबी गर्दै केही अनधिकृत स्रोतबाट पोस्ट, स्क्रिनसट, कमेन्ट तथा सन्देशहरू प्रसारित भइरहेका छन्। यस्ता प्रचारप्रसारमा विश्वास नगर्न तथा सम्बन्धित पेज वा लिंकमा क्लिक गरी आफ्नो व्यक्तिगत विवरण उपलब्ध नगराउन कम्पनीले अनुरोध गरेको छ।