अष्ट्रेलियन शिक्षाप्रति बढ्दो आकर्षणबीच नेपाली विद्यार्थीका लागि भरोसायोग्य विकल्प बन्दै ‘न्याप्स’

काठमाडौं। पछिल्लो समय अष्ट्रेलिया नेपाली विद्यार्थीहरूका लागि उच्च शिक्षा अध्ययनको प्रमुख र लोकप्रिय गन्तव्यका रूपमा स्थापित भइरहेको छ। गुणस्तरीय शिक्षा, सुरक्षित वातावरण, बहुसांस्कृतिक समाज, अन्तर्राष्ट्रिय मान्यता प्राप्त डिग्री र बलियो करियर अवसरका कारण नेपाली विद्यार्थी तथा अभिभावकहरूको आकर्षण अष्ट्रेलियातर्फ लगातार बढ्दो छ। यही सन्दर्भमा, अष्ट्रेलियामा उच्च शिक्षा प्रदान गर्दै आएको संस्था ‘नेसनल एकेडेमी अफ प्रोफेसनल स्टडिज (न्याप्स) नेपाली विद्यार्थीका लागि एक विश्वासिलो, रोजगारमुखी र भविष्य केन्द्रित विकल्पका रूपमा अगाडि आएको छ।

न्याप्स अष्ट्रेलियामा दर्ता भएको एक प्रतिष्ठित उच्च शिक्षा प्रदायक संस्था हो। यस संस्थाले सिड्नी र मेलबर्न जस्ता प्रमुख सहरहरूमा आफ्नो शैक्षिक उपस्थिति बलियो बनाएको छ। विद्यार्थीलाई केवल शैक्षिक डिग्री मात्र दिने नभई उनीहरूको सीप, आत्मविश्वास, व्यावहारिक अनुभव, र रोजगारीको क्षमता विकास गर्दै भविष्यको करियर मार्ग निर्माण गर्नु यसको मुख्य उद्देश्य रहेको छ।