Blog · Literatureहाम्रो खेलकूद
केहि समय अघिदेखि नेपाली युवा क्रिकेटर सन्दीप लामिछानेको नाम यस वर्षको आइपिएलमा रहेको खबरले नेपाली क्रिकेट प्रेमीहरुमा एक किसिमको उत्साह रहेको थियो र आज भएको खेलाडीको अक्सनमा दिल्लीले सन्दीपलार्इ २० लाखको बोलि लगाएर आफ्नो टिममा स्थान दिएको छ ।
युवा स्पिनर लामिछाने यसअघि अस्ट्रेलियाका पुर्व कप्तान माइकल क्लार्कको टिममा अस्ट्रेलियामा केहि समय क्रिकेट खेलिसकेका छन् । यस्तोमा आइपिएलमा स्थान पाउन सक्नु सन्दीपको लागि आफ्नो खेल सुधार्न र क्रिकेटको यस महाकुम्भमा विश्व सामु आफ्नो खेल देखाउन एउटा सुनौलो अवसर हुनेछ ।
दिल्लीको यस वर्ष कोच रहेका रिक्की पोंटिंग, माइकल क्लार्कसंग लामो समय क्रिकेट खेलेका हुन्, यस्तोमा पोंटिंगले क्लार्कको प्रिय बनिसकेका सन्दीप लामिछानेलार्इ नजिकबाट चिन्ने अवसर प्राप्त गरेको हुनसक्छ । हुन त अमित मिश्रा र शाह्बाज नदीम जस्तो घरेलु स्पिनर रहेको टिममा सन्दीपले आफुलाई प्रस्तुत गर्न कति मौका पाउनेछन्, यो भने अप्रिलमा सुरु हुने खेलहरुले नै बताउनेछन् ।
हाम्रो पात्रो सन्दीप लामिछानेलार्इ बधाई दिदै उत्कृष्ट खेल प्रदर्शन गर्न शुभ कामाना ब्यक्त गर्दछ ।
