अमेरिकाबाट क्यानडा (नायगरा फल्स, रेन्वो ब्रिज र टोरन्टो)

भूमीको क्षेत्रफका आधारमा अमेरिका बिश्वको चौथौ ठूलो राष्ट्र हो भने क्यानडा दोश्रो ठूलो राष्ट्र हो । अमेरिका र क्यानडा दुबै सीमा जोडिएका राष्ट्रहरु हुन्, केही दिनअगाडि अमेरिकाबाट क्यानडातर्फ जादा हाम्रो पात्रोकी दैनिक प्रयोगकर्ता सचिला आचार्यले हामीलाई निबन्ध चित्र शिर्षकमा राख्नका लागी केहि मनमोहक चित्रहरु र तिनका जानकारी पठाउनुभएको छ, आउनुहोस हामी चित्रमार्फत अमेरिकाबाट क्यानडा तर्फ लागौं जहाँ हामी नायगरा फल्स हुँदै ओन्टरियो अनि टोरेन्टोसम्मको यात्रा गर्नेछौ ।

नायगरा फल्स

नायगरा फल्सको रात्रिकालिन दृश्य । तस्बिरः सचिला अाचार्य

क्यानडा र अमेरिकाको समिानामा पर्ने यस झरना अमेरिकाको न्यूयोर्क र क्यानडाको ओन्टरियोको सिमानामा पर्दछ , मुख्यगरि तिनवटा फरक फरक झरनाको त्रिवेणी हो जस्मा होससिसोय फल्स, अमेरिकन फल्स र ब्रिडल भेल फल्स पर्दछन । सन् २००६ मा जनी डेप अभिनित चलचित्र सिरिज पाइरेट्स अफ क्यारिभियनको एट वल्र्ड एन्ड श्रृङखलामा नायगरा फल्सको दृश्य बडो गज्जबले फिल्माइएको छ भने त्यसअघिपनि धेरै हलिहुड चलचित्रहरु जस्तै १९८० को सुपरम्यान २, १९८७ को टिनएज म्यूटेन्ट निन्जा र अमेरिकी टेलिभिजन शो वन्डरफल्स त झन नाईगरा फल्सकै वरिपरिनै प्रस्तुत गरिएको छ ।


झरेपछिको नायगरा फल्स ।  तस्बिरः सचिला अाचार्य

करिब १० हजार बर्ष अगाडी हिमनदिहरुमा आएको उतार चढाव र क्रियाकलापले उत्पन्न भएको मानिएको यो झरनाको बिचमा एउटा गोट आइल्यान्ड नाम गरेको टापु रहेको छ जहाँ जलबिधुतका पिता मानिएक बैज्ञानिक टेस्लाको प्रतिमा राखिएको छ । पा्रकृतिक सुन्दरता र जलबिधुतका लागी बिश्वप्रसिद्घ यस झरनाका केही मनमोहक दृश्यहरु जुन बिभिन्न कोण र स्थानबाट केवल हाम्रो पात्रो प्रयोगकर्तालाई कोसेली ।

अम्ब्यासडर अथवा रेन्वो ब्रिज, अमेरिका र क्यानडा जोड्ने पुल
अमेरिका र क्यानडा जोड्ने पुल । तस्बिरः सजिला अाचार्य

नायगरा खोला उपर बनेको यो पुलले अमेरिका र क्यानडालाई जोड्छ । यस पुलभएको ठाँउमा सन १९३८ सम्म हनिमुन पूल रहेको थियो तर पुलमाथी र खोला वरिपरि धेरै हिउँ थुप्रिएकाले यो पुल सन् १९३८ मा भत्किएको र त्यहि ठाँउमा रेन्वो ब्रिज निर्माण गरिएको हो । सन १९४१ मा सर्वसाधारणकालागी खुल्लागरिएको यो पुल करिब १० किमि लामो छ । यस पुलबाट व्यवसायीक ट्रक र मालगाडीहरु भने लान पाइदैन तर साइकल या हिंडेरै तपाई यो पुल तर्न चाहनुहुन्छ भने प्रतिब्यक्ति ५० अमेरिकी या क्यानेडियन डलर अनि कारका हकमा भने ३ दशमलव ५ अमेरिकी या क्यानेडियन डलर पर्दछ ।

टोरन्टो शहर र समुन्द्र
समून्द्र सहितको सुन्दर शहरको रूपमा चिनिने क्यानडास्थित टोरोन्टो शहर । तस्बिरः सचिला अाचार्य

क्यानडाको ओन्टरियो स्टेटको राजधानी टोरन्टो ओन्टरियो तालको उत्तरपश्चिमी किनारमा पर्ने ठूलो र वहुसाँस्कृतीक शहर हो । क्यानडाको सबैभन्दा बढी जनघनत्व भएको यस शहर उत्तर अमेरिकाकै मेक्सिको सिटी, लस एन्जल्स र न्यूयोर्क पछिको चौथो सबैभन्दा ठूलो शहर हो । दोश्रो विश्वयूद्ध पछि यूरोपबाट आएका शरणर्थी, चाइनिज कामदार र मुख्यतया इटाली र पोर्चुगलबाट आएका निर्माण मजदुरहरुको यो शहर निर्माणमा ठूलो योगदान रहेको मानिन्छ । ग्रिष्म यामका औसत दिन अर्थात समरको दिनमा टोरन्टोमा बिहान ५ः३७ मा उदाउने घाम साझँको ९ पछिमात्रै अस्ताउँदछ भने हिउदमा चाही बिहान ७ः ५० मा यदाएका घाम साँझ ४ः४५ मा अस्ताउँदछ । आउनुहोस टोरन्टो शहरलाई ओन्ट्रियो तालको किनाराबाट अवलोकन गरौं, देखिने अग्लो टावरचाँही सीएन टावर हो ।