तराईको साप्ताहीक हाटबजारः एउटा चित्रकथा

प्रिय हाम्रो पात्रो प्रयोगकर्ता साथीहरु, आउनुहोस् आज हामी यहाँहरुलाई चित्रमार्फत नेपालको तराई भुभागको एउटा हाटवजारमा लिएर जाने जमर्को गर्दै छौ । जाने हैन ? नेपालको पूर्वि तराईको नाम कहलिएको औधोगीक शहर विराटनगर लाई ईटहरी हुँदै प्रवेश गर्नु अगावै एउटा ठूलो स्वागत द्धार आँउछ, यस ठाँउलाई ढाट भनिन्छ ।

विराटनगर नगरपालीकाको वडा २,३ र ५ लगायत राजवंशी चोक र टंकीसिनुवारी सम्मका वासिन्दाहरु यस ढाटको साप्ताहीक बजारमा आँउदछन् । फरक फरक शब्द छ, पैसालाई जनाउने, कहीँ ढौवा त कहीँ टक्का भनेर पैसालाई जनाईन्छ । तरकारी देखि भकारी सम्म पाईने यस्ता वजारमा क्रेता अनि विक्रेता दुबैको संलग्नता उत्साहजनक हुन्छ । आफूसँग भएका कुराहरु विक्रि गर्न अनि चाहिएका साम्रगीहरुको खरिद गर्न यस्ता हाटहरु साझा थला हुन् ।

पहाडमा पाँच पाउको एक किलो हुन्छ भने तराईमा चार पाउका एक किलो, तराईमा एक पाउमा २५० ग्राम हुन्छ भने पहाडतिरका वजारमा २०० ग्रामको एक पाउ हुन्छ । विभिन्न जात, धर्म, सम्प्रदाय अनि उमेर समुहका मानिसकालागी विशेषतः तराईमा यसता साप्ताहीक वजारमा भेला हुन्छन् ।

तराईको अर्को विशेष कुरा भनेको घोँगी हो, जमेको पानीमा पाईने यो शखेंकिराजस्तो जिवलाई तराईवासीले पोषण र खुराकको राजा मानेर सेवन गर्दछन् । तराईका हाटवजारमा थुपारिएका यस्ता घोँगीहरु पनि अत्यन्त विशेष कुराहरु हुन् । यसका अलावा राखिएका तरकारीहरुको पसल, फलफूलको पसल अनि साईकलहरुको भब्य लस्कर वहुत राम्रो र मौलीक देखिन्छ ।

अनि के त विचार, आउनुहोस हेरौ यी तस्वीरहरु ।








तस्वीरः अनुपमा वास्तोला, विराटनगर
शब्दः सुयोग ढकाल