एआईको सुरक्षित र जिम्मेवार विकासका लागि विश्वव्यापी सहकार्य आवश्यक : संयुक्त राष्ट्रसंघ

एजेन्सी । संयुक्त राष्ट्रसंघका महासचिव एन्टोनियो गुटेरेसले कृत्रिम बौद्धिकता (एआई) को तीव्र विकाससँगै यसको प्रभावकारी र जिम्मेवार व्यवस्थापनका लागि अन्तर्राष्ट्रिय सहकार्य अपरिहार्य भएको बताएका छन् ।

जेनेभामा आयोजित एआई शासनसम्बन्धी पहिलो विश्वव्यापी संवादको उद्घाटन गर्दै उनले एआईले विश्वका अर्थतन्त्र, समाज र सार्वजनिक सेवामा व्यापक परिवर्तन ल्याइरहेको उल्लेख गरे । यस्तो अवस्थामा यसको विकास सुरक्षित, पारदर्शी, समावेशी र नैतिक मापदण्डअनुसार अघि बढाउन सबै राष्ट्रबीच साझा समझदारी आवश्यक रहेको उनको भनाइ थियो ।