सेयर धितो र व्यक्तिगत ओभरड्राफ्ट कर्जाको सीमा बढ्यो

काठमाडौँ । नेपाल राष्ट्र बैंकले आर्थिक वर्ष २०८२/८३ को मौद्रिक नीतिको वार्षिक समीक्षा प्रतिवेदन सार्वजनिक गर्दै सेयर धितो र व्यक्तिगत ओभरड्राफ्ट कर्जाको सीमा बढाएको छ । राष्ट्र बैंकले सेयर धितो कर्जा (मार्जिन लेन्डिङ) र व्यक्तिगत ओभरड्राफ्ट कर्जाको सीमामा वृद्धि गर्ने नीति लएकाे हाे ।

समीक्षामार्फत बैंक तथा वित्तीय संस्थाहरूले प्रदान गर्ने व्यक्तिगत अधिविकर्ष (ओभरड्राफ्ट ) कर्जाको विद्यमान सीमामा वृद्धि गरिएको छ । यसअघि कायम रहेको रुपैयाँ ५० लाखको सीमालाई वृद्धि गरी प्रतिग्राहक रुपैयाँ १ करोड कायम गरिएको छ ।