बर्लिनमा २० वर्षपछि खुल्यो गणेश मन्दिर

जर्मनीको राजधानी बर्लिनको नोएकोल्न क्षेत्रमा रहेको ‘श्री गणेश मन्दिर’ २० वर्ष लामो प्रतीक्षापछि सर्वसाधारणका लागि खुला गरिएको छ। यो भव्य मन्दिर सप्ताहन्त विशेष रूपमा सर्वसाधारणका लागि खोलिएको हो। मन्दिर व्यवस्थापनका अनुसार यहाँ गै-हिन्दूलाई पनि पूर्ण रूपमा स्वागत गरिन्छ।

यस अवसरमा मन्दिरमा केही दिनसम्म चल्ने परम्परागत हिन्दू अभिषेक समारोह महाकुम्भाभिषेकम् आयोजना गरिएको छ। कार्यक्रम आगामी ७ जुनसम्म चल्नेछ। उद्घाटनको विशेष अवसरमा शुक्रबार र शनिबार साँझ सांस्कृतिक कार्यक्रमहरू पनि आयोजना भइरहेका छन्।