ओलीमाथि राजीनामाको तीव्र दबाब : एमाले पुनर्गठन नगरिए ‘अधोगति’ हुने पोखरेलको चेतावनी

नेकपा (एमाले) का नेता ईश्वर पोखरेलले यतिबेला एमाले आत्मसमीक्षा र पुनर्गठनको बाटोबाट मात्र अगाडि बढ्न सक्ने दाबी गरेका छन्। सामाजिक सञ्जालमा लेख्दै उनले जुनसुकै बहानामा यसलाई रोक्न खोज्नु अधोगति निम्त्याउनु रहेको तर्क गरेका हुन्।

सामाजिक सञ्जालमा उनले लेखेका छन्, ‘यतिबेला नेकपा (एमाले) आत्मसमीक्षा र पुनर्गठनको बाटो बाट मात्र अगाडि बढ्न सक्छ। जुनसुकै बहानामा यसलाई रोक्न खोज्नु अधोगति निम्त्याउनु हो।’ पोखरेल गत महाधिवेशनमा नेतृत्व परिवर्तनको एजेन्डा लिएर अध्यक्षमा केपी ओलीसँग प्रतिस्पर्धा गरेका थिए। तर उनी नराम्रोसँग पराजित हुनुपरेको थियो।