अमेरिकाद्वारा ग्रीन कार्ड स्पोन्सरशिपका लागि लेबर मार्केट टेस्टमा व्यापक फेरबदलको तयारी

एजेन्सी । ब्लूमबर्ग लका अनुसार, अमेरिकी श्रम विभागले रोजगारमा आधारित ग्रीन कार्डका लागि विदेशी कामदारहरूलाई स्पोन्सर गर्नुअघि रोजगारदाताहरूले पूरा गर्नुपर्ने लेबर मार्केट टेस्ट (श्रम बजार परीक्षण) प्रक्रियामा व्यापक फेरबदल गर्ने योजना बनाएको छ ।

प्रस्तावित परिवर्तनहरू ट्रम्प प्रशासनको बृहत्तर नियामक एजेन्डाको हिस्सा हुन् । सन् २००४ देखि अद्यावधिक नगरिएको पर्मानेन्ट लेबर सर्टिफिकेसन (पर्म) प्रक्रियालाई आधुनिकीकरण गर्नु त्यसको उद्देश्य हो ।