रोजगारी वृद्धिका लागि सरकार क्रियाशील छ : उद्योगमन्त्री

काठमाडौँ। उद्योग, वाणिज्य तथा आपूर्तिमन्त्री गौरी कुमारीले उत्पादन, उत्पादकत्व तथा रोजगारी वृद्धिका लागि सरकार क्रियाशील रहेको बताएकी छन्।

राष्ट्रिय सभा बैठकमा मंगलबार आफ्नो मन्त्रालयमाथिको विनियोजित विधेयकमाथि उठेका प्रश्नको जवाफ दिँदै उनले अन्तर-मन्त्रालय र अन्तर-तह समन्वयलाई प्रभावकारी बनाउँदै निजी क्षेत्रको मनोबल उच्च राख्ने र उत्पादन, उत्पादकत्व तथा रोजगारी वृद्धिका लागि मन्त्रालय क्रियाशील रहने बताइन्।