युक्रेनलाई सहयोग गर्ने र रुसमाथि प्रतिबन्ध लगाउने विधेयक अमेरिकी संसद्ले गर्यो पारित

एजेन्सी । अमेरिकाको तल्लो सदन हाउस अफ रिप्रिजेन्टेटिभ्सले बिहीबार युक्रेनलाई सहायता प्रदान गर्ने र रुसमाथि नयाँ प्रतिबन्धहरू लगाउने विधेयक पारित गरेको छ । यो केही रिपब्लिकनहरू आफ्ना पार्टीका नेताहरूको अवज्ञा गर्न र राष्ट्रपति डोनल्ड ट्रम्पको विरोध गर्न तयार रहेको पछिल्लो संकेत हो ।

सदनले युक्रेन सपोर्ट एक्टको पक्षमा २२६ र विपक्षमा १९५ मत दिएको थियो । यो महिनौंको पर्खाइपछि मतदानका लागि प्रस्तुत भएको थियो । केही रिपब्लिकनहरूले डेमोक्रेटहरूसँग मिलेर मतदानका लागि दबाब दिन डिस्चार्ज पिटिसन (विशेष प्रक्रिया) मा हस्ताक्षर गरेका थिए ।