अश्लील तस्बिर सार्वजनिक गर्ने दुईजना पक्राउ

काठमाडौं । बैतडीमा प्रहरीले अश्लील तस्बिर सार्वजनिक गरेको आरोपमा दुई जना र बैंकिङ कसुर मुद्दामा एक जनालाई पक्राउ गरेको छ । प्रहरीका अनुसार पञ्चेश्वर गाउँपालिकाकी एक महिलाको अश्लील तस्बिर र भिडियो सार्वजनिक गरेको आरोपमा एक जना महिला र एक पुरुष पक्राउ परेका छन् ।

पक्राउ पर्नेमा पञ्चेश्वर–५ गिरेगडाका अन्दाजी २२ वर्षीय सुनिल चन्द र एक जना महिला पक्राउ गरी अनुसन्धान चलिरहेको जिल्ला प्रहरी कार्यालय बैतडीका प्रबक्ता प्रहरी निरीक्षक सुरज सिंहले जानकारी दिए ।