टेक्सासमा गोली लागेर एक नेपालीको मृत्यु, अमेरिकी सेनाले शव नदिएको पीडितको गुनासो

टेक्सास । अमेरिकी सेनामा कार्यरत एक नेपाली युवाको गोली लागेर मृत्यु भएको एकसाता बिते पनि परिवारका सदस्यले अहिलेसम्म मृत्युको कारण र शव पाउन सकेका छैनन् ।

ताप्लेजुग घर भएका २४ वर्षीय सुनिल थापाको गत सोमबार तालिमको क्रममा गोली लागेर मृत्यु भएको जानकारी अमेरिकी सेनाले परिवारलाई दिएको थियो । उनका परिवारले भने अहिलेसम्म औपचारिक रुपमा मृत्युको कारण र शबसमेत हेर्न पाएका छैनन् । सुनिलका बुवा हेमले राजधानीसँग भने, ‘सात दिन भयो न शब हेर्न पाएको छु न मृत्युको कारण नै थाहा पाएको छु ।’