म्याक्रोनको सिरिया भ्रमणकै क्रममा दमास्कसमा शक्तिशाली विष्फोट

सिरिया : सिरियाको राजधानी दमास्कसमा फ्रान्सका राष्ट्रपति इमानुएल म्याक्रोनको भ्रमणका क्रममा कम्तीमा दुई वटा विष्फोट भएका छन् । सिरियाको गृह मन्त्रालयका अनुसार विष्फोटमा चार जना प्रहरीसहित कम्तीमा १८ जना घाइते भएका छन् । सरकारी समाचार संस्था सिरिया अरब न्यूज एजेन्सी (साना) ले मंगलबार जानकारी दिएको हो ।

टेलिभिजन दृश्यहरूमा शहरमाथि धुवाँको मुस्लो उठेको देखिएको छ । साथै, सामाजिक सञ्जालमा सार्वजनिक भिडियोमा एउटा सवारीसाधनमा आगलागी भएको देखिन्छ । विष्फोट पर्यटन मन्त्रालय नजिक तथा राष्ट्रपति म्याक्रोन बस्ने तयारी गरिएको होटल आसपास भएको थियो । म्याक्रोन त्यहाँ सिरियाका राष्ट्रपति अहमद अल–शरासँग भेटवार्ता गर्न पुगेका थिए ।