गोविन्दाबारे सुनिताको सनसनीपूर्ण खुलासा १० जनासंग अफेएर थियो ५० जनासंग भए पनि छोड्दिन

बलिउड अभिनेता गोविन्दाकी पत्नी सुनिता आहुजा यतिबेला रियालिटी शो ‘लक अप: सच या सजा’मा दिएको अभिव्यक्तिका कारण चर्चामा छिन्। कार्यक्रममा उनले आफ्नो वैवाहिक जीवनबारे खुलेर बोल्दै गोविन्दाका जीवनमा धेरै अफेयर भएको दाबी गरेकी छन्।

कार्यक्रमका होस्ट फराह खान र रितेश देशमुखसँगको कुराकानीमा सुनिताले भनिन्, ‘मायामा परेपछि धेरै कुरा सहन सक्नुपर्छ। चिची (गोविन्दाको उपनाम) का जीवनमा धेरै अफेयर भए। तर जब कसैलाई साँचो माया गरिन्छ, सबै कुरा सहनुपर्छ।’ उनले आफूले वर्षौंदेखि सम्बन्ध जोगाएर आएको र आज पनि गोविन्दाप्रति आफ्नो प्रेम कायमै रहेको बताइन्।