‘मास्टरमाइन्डर’ चालकको ११ लाख लुट्ने योजना जब प्रहरीले असफल पारिदियो

सुर्खेत । रुकुम पश्चिमको आठबिसकोट नगरपालिकाको नगर प्रहरीमा सहायक निरीक्षक पदमा कार्यरत छन्, खड्क बुढा । उनको घर सोही नगरपालिकाको वडा नम्बर १ को फिलिङ्गेमा पर्छ । घरमा कुनै समस्या थियो सायद । उनले श्रीमतीलाई पैसा पठाउने योजना बनाए ।

गाउँमा सहर बजारजस्तो जताततै बैंक हुने कुरा भएन । उनले आफ्नै गाउँको एक जना गाडी चालक २६ वर्षीय मुकेश विकलाई सम्झिए । उनले गत मंगलबार बेलुका ७ बजेतिर मुकेशको हातमा ११ लाख ३५ हजार रुपैयाँको झोला थमाउँदै भने—पैसा घरमा लगेर मेरो श्रीमतीलाई दिइदिनु है ।