प्रधानमन्त्री र मन्त्रीहरूको सम्पत्ति छानबिन नगर्ने निर्णय सुशासन विरुद्ध: राष्ट्रिय जनमोर्चा

काठमाडौँ । सरकारले हालै गठन गरेको सम्पत्ति छानबिन आयोगको दायराबाट प्रधानमन्त्री र मन्त्रिपरिषद्का सदस्यहरूलाई बाहिर राख्ने निर्णयप्रति राष्ट्रिय जनमोर्चाले विरोध प्रकट गरेको छ।

पार्टीका कार्यवाहक अध्यक्ष रश्मीराज नेपालीले बिहीबार एक प्रेस वक्तव्य जारी गर्दै मन्त्रिपरिषद्को यो निर्णय सुशासनको मर्म विपरीत रहेको भन्दै तत्काल प्रधानमन्त्रीसहितका मन्त्रीहरूको पनि सम्पत्ति छानबिन गर्न माग गरेका छन्।