प्रधानमन्त्री शाहलाई गाली गरेर सामग्री प्रसारण गर्ने युट्युबर कारागार चलान

काठमाडौँ । प्रधानमन्त्री बालेन्द्र शाह ‘बालेन’ लगायतका नेताहरूलाई गालीगलौज गरेर सामग्री प्रसारण गर्ने युट्युबरलाई कारागार चलान गरिएको छ । पाँचथर जिल्ला अदालतको आदेशले युट्युबर रोशन पोखरेललाई पुर्पक्षका लागि कारागार चलान गरिएको जिल्ला प्रहरी कार्यालय पाँचथरका एकजना अधिकृतले रातोपाटीलाई बताए ।

प्रहरीले फाल्गुनन्द गाउँपालिका–७ घर भएका युट्युबर पोखरेललाई २०८२ चैत २६ मा पक्राउ गरेर अनुसन्धान गरेको थियो । पोखरेलमाथि प्रहरीको साइबर ब्युरोले पनि अनुसन्धान गरेको थियो । अनुसन्धानको क्रममा हाजिर जमानीमा छुटेका पोखरेल अभियोग पत्र दायर भएसँगै पुन: पक्राउ परेर पुर्पक्षका लागि थुनामा गएका हुन् ।