निर्माणस्थलमा आक्रमण हुँदा पाकिस्तानमा ९ प्रहरीको मृत्यु

इस्लामाबाद । पाकिस्तानको बलुचिस्तान प्रान्तमा बन्दुकधारी समूहले गरेको आक्रमणमा कम्तीमा नौ जना प्रहरीको मृत्यु भएको छ भने केही प्रहरी अझै बेपत्ता रहेका छन् ।

बीबीसी उर्दूका अनुसार आक्रमण जियारत जिल्लास्थि अर्बौ रुपैयाँ लागतको माङ्गी बाँध निर्माणस्थलको सुरक्षा गरिरहेका प्रहरीमाथि भएको हो । जिल्ला प्रमुख अब्दुल कुद्दुस अचकजाईले आक्रमणमा दुई वरिष्ठ प्रहरी अधिकारीसहित नौ जनाको मृत्यु भएको पुष्टि गरेका छन् ।