भारतमा फेरि बढ्यो पेट्रोलियम पदार्थको मूल्य, नेपालमा पनि असर पर्ने संकेत

काठमाडौं- भारतमा पेट्रोलियम पदार्थको मूल्य फेरि बढेको छ । भारतको राजधानी नयाँ दिल्लीमा पेट्रोलको मूल्य प्रतिलिटर ८७ पैसा बढेर ९९ रुपैयाँ ५१ पैसा पुगेको छ भने डिजेल ९१ पैसा बढेर ९२ रुपैयाँ ४९ पैसा कायम भएको भारतीय सञ्चारमाध्यमहरूले उल्लेख गरेका छन् ।

पछिल्ला ९ दिनभित्र भारतमा इन्धनको मूल्य तेस्रो पटक बढाइएको हो । लगातार भइरहेको मूल्यवृद्धिले त्यहाँको बजारमा मात्रै नभएर नेपालमा पनि प्रत्यक्ष प्रभाव पर्ने संकेत देखिएको छ ।