ग्रे लिस्टबाट नेपाललाई बाहिर निकाल्न समयबद्ध कार्ययोजना कार्यान्वयनमा : अर्थमन्त्री

काठमाडौँ- अर्थमन्त्री स्वर्णिम वाग्लेले फाइनान्सियल एक्सन टास्क फोर्स (एफएटिएफ) को ग्रे लिस्टबाट नेपाललाई बाहिर निकाल्न सरकारले समयबद्ध रणनीति र कार्ययोजना अनुसार काम गरिरहेको बताएका छन्।

राष्ट्रियसभाको बैठकमा प्रधानमन्त्रीका तर्फबाट जवाफ दिँदै उनले सम्पत्ति शुद्धीकरण तथा आतंककारी गतिविधिमा वित्तीय लगानी निवारणसम्बन्धी राष्ट्रिय रणनीति तथा कार्ययोजना (२०८१-८६) र शीघ्र सुधारात्मक क्रियाकलापअनुसार सम्बन्धित निकायले तोकिएको समयसीमाभित्र काम गरिरहेको जानकारी दिए।