१० महिनामा साढे १७ करोड रुपैयाँको चिज आयात, कुन कुन देशबाट आयो ?

काठमाडौँ । नेपालमा दुग्धजन्य पदार्थमा आत्मनिर्भर रहेको दाबी गरिए पनि चिजमा भने परनिर्भरता बढ्दो क्रममा देखिएको छ । १० महिनामा साढे १७ करोड रुपैयाँको चिज आयात भएको छ ।

भन्सार विभागको पछिल्लो १० महिनाको (आर्थिक वर्ष २०८२/८२ को साउन–वैशाख) तथ्यांकअनुसार नेपालले कुल १७ करोड ५३ लाख ४१ हजार रुपैयाँ बराबरको चिज आयात गरेको छ । यस अवधिमा २ लाख ६ हजार ९ सय १७ किलो चिज भित्रिएको छ भने यसबाट सरकारले ५ करोड १९ लाख ३३ हजार रुपैयाँ भन्सार महसुल सङ्कलन गरेको छ ।