कालीगण्डकीले किन बदल्दै छ बाटो?

पोखरा। सन् २०१९ सम्म सेतीवेणी शालिग्राम शिलालाई एक फन्को लगाउन सकिन्थ्यो। स्याङ्जा, पर्वत र गुल्मीको संगममा रहेको यो शिला धार्मिक आस्थासँगै भौगर्भिक महत्त्वका कारण पनि चिनिन्छ। हिन्दु धर्मावलम्बीले सेतीवेणी शालिग्रामलाई भगवान् विष्णुको स्वरूप मानेर पूजा गर्छन्।

तर, पछिल्ला वर्षमा कालीगण्डकीको सतह बढ्दै जाँदा शिलाको केही भाग पानीमा डुब्न थालेको छ। नदीको धार पनि फेरिएको छ। स्थानीयका अनुसार पछिल्ला चार वर्षयता शिलालाई पहिलेझैँ परिक्रमा गर्न सकिँदैन।