आज राष्ट्रिय शोक, बाढीमा ज्यान गुमाएकाको सम्झनामा झण्डा आधा झुकाइने

गत भदौ १० गते रसुवाको भोटेकोशीमा आएको विनाशकारी बाढीमा परी मृत्यु भएका व्यक्तिहरूको सम्झनामा आज राष्ट्रिय शोक मनाइँदैछ । भदौ १८ गते बसेको मन्त्रिपरिषदको बैठकले भोटेकोशी नदीमा आएको बाढीमा परी ज्यान गुमाएकाहरूको सम्झनामा १३ औं पुण्यतिथीको अवसरमा राष्ट्रिय शोक मनाउने निर्णय गरेको हो ।

यससँगै आज नेपालभरीका सरकारी कार्यालय तथा विदेशस्थित नेपाली दूतावास र नियोगहरूमा राष्ट्रिय झण्डा आधा झुकाइनेछ । उक्त बाढीमा परी हालसम्म १ हजार ३४२ जनाले ज्यान गुमाएका छन् भने झण्डै ५ हजार मानिस अझै सम्पर्कविहीन छन् ।