पर्यटन मन्त्रीको १ सय दिने उपलब्धिमा विगतका कामको निरन्तरता अधिक

२३ असार, काठमाडौं । संस्कृति, पर्यटन तथा नागरिक उड्डयन मन्त्री खड्क राज पौडेलले मन्त्रालय सम्हालेको १ सय दिन पुगेको उपलक्ष्यमा सार्वजनिक गरेका कामको सूचीमा अघिल्ला सरकारहरुकै पालामा सुरु भएका कामले निरन्तरता पाएको देखिएको छ ।

मन्त्रालयले शासकीय सुधार अन्तर्गत १ सय दिनका प्रमुख उपलब्धि सार्वजनिक गरेको छ । जसमा नेपाल नागरिक उड्डयन प्राधिकरणलाई सेवा प्रदायक तथा नियामक निकायको रुपमा रुपान्तरण गर्न विधेयकको अन्तिम मस्यौदा तयार पारिएको उल्लेख छ । यो मस्यौदा अघिल्लो संसदकै कार्यकालमा तयार भई दर्ता समेत भइसकेको थियो ।