कर्णाली नदीमा भेटिएको शवको पहिचान, साङ्गेतडा दुर्घटनाका ३ जना अझै सम्पर्कविहीन

सुर्खेत । सोमबार कैलालीको मोहान्याल गाउँपालिका–६, सुङ्गरखालको कर्णाली नदी क्षेत्रमा भेटिएको पुरुषको शव साङ्गेतडामा दुर्घटना भई नदीमा बेपत्ता भएका मेगे तिरुवाको भएको पुष्टि भएको छ।

उनका छोरा रविन्द्र तिरुवा आफ्नो बुबाको शव पहिचान गरेका हुन् । मंगलबार रविन्द्रले खनाखत गरेर शव बुझेको इलाका प्रहरी कार्यालय कैलाली चिसापानीलाई उद‌ृत गर्दै जिल्ला प्रहरी कार्यालय दैलेखका प्रहरी प्रमुख, प्रहरी नायव उपरीक्षक श्रवण कुमार विकले बताए । मेगे कालिकोटको पचालझरना गाउँपालिका–९ का हुन्।