नेपालमा कीटजन्य विशेषज्ञको चरम अभाव, महामारी नियन्त्रणमा चुनौती

काठमाडौँ । नेपालमा औंलो, डेंगु, स्क्रब टाइफस, जापानीज इन्सेफ्लाइटीस, कालाजार, हात्तीपाइले र चिकनगुनियाजस्ता कीटजन्य रोगहरूको पहिचान र नियन्त्रण गर्ने प्राविधिक जनशक्ति ‘इन्टोमोलोजिस्ट’ (कीट विशेषज्ञ) को चरम अभाव देखिएको छ ।

महामारी र प्रकोपलाई वैज्ञानिक ढंगले नियन्त्रण तथा व्यवस्थापन गर्न प्राथमिक मानिने यस्ता दक्ष जनशक्तिको अभाव हुँदा हाल तालिमप्राप्त सामान्य स्वास्थ्यकर्मीकै भरमा नियन्त्रणका सीमित प्रयासहरू भइरहेका छन् ।