मोरङमा आठ वर्षीया बालिकामाथि जबरजस्ती करणी

विराटनगर। मोरङको बेलबारी नगरपालिका वडा नम्बर ८ मा आठ वर्षीया बालिकामाथि जबरजस्ती करणी गरेको आरोपमा प्रहरीले एक जनालाई पक्राउ गरेको छ।

गत भदौ १ गते आफ्नै घरको कोठामा बालिकामाथि जबरजस्ती करणी भएको भन्दै पीडितकी आमाले बिहीबार इलाका प्रहरी कार्यालय, बेलबारीमा लिखित जाहेरी दिएकी थिइन्। जाहेरी परेलगत्तै खटिएको प्रहरी टोलीले आरोपीलाई घरवतनबाटै नियन्त्रणमा लिएको हो।