म्याद गुज्रिएको खाद्यवस्तु बेच्ने मटका बिर्यानी क्लाउड किचनलाई २ लाख जरिवाना

काठमाडौं । काठमाडौँको तिनकुनेमा सञ्चालित मटका बिर्यानी क्लाउड किचनलाई २ लाख रुपियाँ जरिवाना गरिएको छ । वाणिज्य, आपूर्ति तथा उपभोक्ता संरक्षण विभागले उपभोग्य मिति सकिएकोे खाद्यवस्तु बिक्री वितरण गरेको पाएपछि जरिवाना तिराएको हो ।

विभागको आपूर्ति, अनुगमन तथा उपभोक्ता संरक्षण शाखाले अनुगमनका क्रममा उक्त कैफियत फेला पारेपछि उपभोक्ता संरक्षण ऐन, २०७५ को दफा १६(२)(क) बमोजिम २ लाख रुपियाँ जरिवाना तिराइएको विभागले जनाएको छ ।