विपद्⁠मा हातेमालो गर्दै समुदाय : पहाड रुँदा तराईले आँसु पुस्छ

भोटेकोसी र त्रिशूलीमा आएको बाढीले हिमाल र पहाडमा गरेको विनाशको कम्पन तराईसम्म पुगेको छ। यो विपत्तिले भूगोलको दुरी मेटाउँदै सबै नेपालीलाई एउटै भावनामा उभ्याइदिएको छ।

‘पहाडमा जाडो भए, तराईले सेक्नुपर्छ, आँधी आए तराईमा पहाडले छेक्नुपर्छ...।’ दिनेश अधिकारीको शब्द र स्वरूपराज आचार्यको स्वर रहेको यो गीतले पनि भूगोल फरकफरक भए पनि विपत्तिको पीडा एउटै हुन्छ, पीडा भुलाउन एकअर्काले सहयोगका हात अगाडि बढाउनुपर्छ। भोटेकोसी र त्रिशूलीको बाढीबाट प्रभावित परिवारको साथमा अहिले देशका अन्य भूगोलका मानिस उभिएका छन्। यो दुःख अब रसुवा, नुवाकोट, धादिङको मात्र रहेन। यो सिंगो नेपालको साझा दुःख बनेको छ।