नेपाल टेलिकमका कर्मचारीले दिए प्रधानमन्त्री दैवी प्रकोप उद्धार कोषमा २ करोड २ लाख रुपैयाँ

काठमाडौं- नेपाल टेलिकममा कार्यरत सम्पूर्ण कर्मचारीले रसुवाको भोटेकोसी नदीमा आएको विनाशकारी बाढीबाट प्रभावित नागरिकको राहत, उद्धार तथा पुनःस्थापनाका लागि प्रधानमन्त्री दैवी प्रकोप उद्धार कोषमा २ करोड २ लाख ६० हजार ६ सय ६४ रुपैयाँ सहयोग गरेका छन् ।

नेपाल टेलिकमका अनुसार बाढीबाट प्रभावित विभिन्न जिल्लाका नागरिकलाई राहत तथा पुनःस्थापनामा सहयोग पुर्‍याउने उद्देश्यले कर्मचारीहरूको तलबबाट तहगत योगदानका आधारमा रकम कट्टा गरी कोषमा जम्मा गरिएको हो ।