राहत बोकेर नुवाकोट पुगे कलाकार

भोटेकोशी बाढीबाट प्रभावित परिवारको पीडामा मल्हम लगाउन कलाकारहरू राहत सामग्री बोकेर नुवाकोट पुगेका छन्। अभिनेत्री प्रियंका कार्की, हास्यकलाकार जितु नेपाल (मुन्द्रे) र मरिचमान श्रेष्ठ (बल्छी धु्रवे) लगायत कलाकारले प्रभावित परिवारसम्म प्रत्यक्ष रूपमा पुगेर राहत सामग्री वितरण गर्नुका साथै उनीहरूको पीडा सुनेका छन्।

अभिनेत्री प्रियंका कार्कीले नुवाकोट पुगेर ७१ परिवारलाई राहत सामग्री वितरण गरेकी छन्। सहयोगीहरूले दिएको माया, साथ र विश्वास प्रभावित परिवारको हातसम्म पुग्दा मनले थोरै भए पनि राहत महसुस गरेको उनको भनाइ छ। राहत अभियानमा साथ दिने प्रत्येक सहयोगी मनप्रति आभार व्यक्त गर्दै प्रियंकाले विपत्तिमा परेका परिवारलाई सहयोग गर्न पाउनु आप्mनो लागि महत्वपूर्ण अनुभव भएको बताएकी छन्।