मकवानपुरमा १६२ किलो गाँजासहित दुई जना पक्राउ

मकवानपुरको मनहरी गाउँपालिकाबाट ठुलो परिमाणको लागुऔषध गाँजासहित दुई जनालाई मकवानपुर प्रहरीले नियन्त्रणमा लिएको छ।

इलाका प्रहरी कार्यालय मनहरीबाट खटिएको गस्ती टोलीले मङ्गलबार बिहान मनहरी गाउँपालिका वडा नं. ९ भाबरस्थित भित्री सडकखण्डबाट खरङ्गातर्फ आउँदै उनीहरूलाई पक्राउ गरेको जिल्ला प्रहरी कार्यालय मकवानपुरले जनाएको छ ।