नक्कली भुटानी शरणार्थी प्रकरणः खाँणले पाएनन् सफाइ, संगठित अपराधको मतियार ठहर

काठमाडौँ । नक्कली भुटानी शरणार्थी प्रकरणमा पूर्वगृहमन्त्री बालकृष्ण खाणलाई काठमाडौँ जिल्ला अदालतले 'मतियार' ठहर गरेको छ ।

न्यायाधीश तेज बहादुर खड्काको इजलासले मंगलबार फैसला सुनाउँदै खाणलाई संगठित अपराध र ठगी मुद्दामा मतियारको रूपमा दोषी ठहर गरेको हो । उच्च पदस्थ व्यक्तिहरूमध्ये केहीले सफाइ पाए पनि खाँणको हकमा भने अदालतले अभियोग दाबी अनुसारकै संलग्नता देखिएको भन्दै सफाइ दिन अस्वीकार गरेको हो ।