फरार ८ प्रतिवादीको मुद्दा 'मुलतबी' मा, पक्राउ परेका बखत पुनः ब्युँतिने

काठमाडौँ । नक्कली भुटानी शरणार्थी प्रकरणमा काठमाडौँ जिल्ला अदालतले पक्राउ परेका १८ जनाको हकमा फैसला सुनाए पनि हालसम्म फरार रहेका ८ जना प्रतिवादीहरूको मुद्दालाई भने 'मुलतबी' (थाँती) मा राख्ने आदेश दिएको छ।

न्यायाधीश तेज बहादुर खड्काको इजलासले अदालतमा उपस्थित नभएका र प्रहरीले पक्राउ गर्न नसकेका प्रतिवादीहरूको हकमा मुद्दालाई तत्कालका लागि स्थगन गर्ने निर्णय गरेको हो ।