स्पेसएक्सको आईपीओबाट अपेक्षाभन्दा १० अर्ब डलर बढी रकम सङ्कलन

न्युयोर्क । अमेरिकी अन्तरिक्ष कम्पनी स्पेसएक्सले गत शुक्रबार प्राथमिक शेयर निष्कासन (आईपीओ)मार्फत प्रारम्भिक अनुमानभन्दा थप १० अर्ब अमेरिकी डलर उठाएको छ । यससँगै कम्पनीले आइपीओबाट कुल ८५ अर्ब ७० करोड उठाएको छ ।

अमेरिकी खर्बपति व्यापारी एलन मस्कको नेतृत्वमा रहेको स्पेसएक्स गत साता अमेरिकी शेयर परिसूचक नास्डाकमा सूचीकृत भएको थियो । त्यति बेला कम्पनीको आईपीओ इतिहासकै सबैभन्दा ठूलो आईपीओ बनेको थियो । प्रारम्भिक रूपमा कम्पनीले लगानीकर्ताबाट ७५ अर्ब डलर सङ्कलन गरेको जनाएको थियो । मस्कले कर्मचारीहरूलाई उक्त रकम कम्पनीको महत्त्वपूर्ण विस्तार चरणमा खर्च गरिने बताएका थिए ।