बाँकेमा फलफूल खेतीतर्फ बढ्दै किसानको आकर्षण

बाँकेका विभिन्न बजारमा पछिल्लो समय फलफूलको माग बढ्दै गएको छ । बजारमा फलफूलको माग बढेसँगै यहाँका किसान पनि यस खेतीतर्फ थप आकर्षित र उत्साहित हुन थालेका छन् ।

राप्तीसोनारी गाउँपालिका–२, कचनापुरका किसान शान्तराज गौतमले प्राकृतिक रूपमा व्यावसायिक मेवा खेती गर्दै आउनुभएको छ । उहाँले आफैँ बेर्ना उत्पादन गरी रोपेका ३६० वटा मेवाका बिरुवामा अहिले लटरम्म फल लागेको छ ।