भृकुटीमण्डपमा ‘फिन इलेक्ट्रो–टेक २०२६’ सुरु, विद्युतीय र ऊर्जा क्षेत्रका नवीनतम प्रविधि एकै थलोमा

काठमाडौं । नेपालको विद्युतीय तथा ऊर्जा क्षेत्रको सबैभन्दा ठूलो प्रदर्शनी ‘फिन इलेक्ट्रो–टेक २०२६’ बिहीबारदेखि काठमाडौंको भृकुटीमण्डपमा सुरु भएको छ। नेपाल विद्युतीय व्यवसायी महासंघद्वारा आयोजित तथा ट्रान्सवेल्ड ट्रान्सफर्मरद्वारा प्रायोजित प्रदर्शनीको उद्घाटन अर्थमन्त्री डा. स्वर्णिम वाग्लेले गरेका हुन्।

जेठ २५ गतेसम्म सञ्चालन हुने प्रदर्शनीमा नेपाल, भारत, चीन लगायतका देशका विद्युतीय, इलेक्ट्रोनिक्स, ऊर्जा, सञ्चार, सूचना प्रविधि तथा वैकल्पिक ऊर्जा क्षेत्रसँग सम्बन्धित राष्ट्रिय तथा अन्तर्राष्ट्रिय कम्पनीहरूको सहभागिता रहेको आयोजकले जनाएको छ।