मुस्ताङमा भारतीय सहयोगमा निर्मित गुम्बा विद्यालयको छात्रावास भवन उद्घाटन

मुम्ताङ । मुस्ताङ जिल्लामा भारत सरकारको आर्थिक सहयोगमा निर्माण गरिएको एक उच्च प्रभाव सामुदायिक विकास परियोजनाको औपचारिक उद्घाटन भएको छ।

मुस्ताङको लोमन्थाङ गाउँपालिका वडा नं १ मा अवस्थित लोवो निफुग नाम्ड्रोल नोर्वुलिङ्ग गुम्बा विद्यालयका लागि निर्माण गरिएको नयाँ छात्रावास भवनको नेपालका लागि भारतीय राजदूत नवीन श्रीवास्तव र लोमन्थाङ गाउँपालिकाका अध्यक्ष टसी न्हर्वु गुरुङले सोमबार संयुक्त रूपमा उद्घाटन गरेका हुन्।