नेपाल टेलिभिजनबाट विश्वकप फुटबल निःशुल्क प्रसारण गर्न नेकपा सांसद्को माग

काठमाडौं । नेपाली कम्युनिस्ट पार्टी (नेकपा) का सांसद प्रमेश हमालले विश्वकप फुटबलको प्रसारण सरकारी स्वामित्वको नेपाल टेलिभिजन मार्फत निःशुल्क गर्ने व्यवस्था मिलाउन सरकारसँग माग गरेका छन् । मङ्गलबार बसेको प्रतिनिधि सभाको बैठकमा बोल्दै सांसद हमालले विश्वकप फुटबल नेपाल टेलिभिजनबाट निःशुल्क देखाउन माग गरेका हुन् ।

बैठकमा आफ्नो धारणा राख्दै सांसद हमालले अहिले विश्वकप फुटबल आम नागरिक, विशेष गरी युवा वर्गको ठुलो चासोको विषय बनेको उल्लेख गरे । यद्यपि, विश्वकप हेर्नका लागि ९९९ रुपैयाँ तिर्नुपर्ने बाध्यतात्मक व्यवस्थाका कारण यसमा एकाधिकार सिर्जना भएको उनको भनाइ थियो ।