बसको ठक्करबाट स्कुटर चालकको मृत्यु

हेटौँडा। कान्तिलोकपथ सडकअन्तर्गत मकवानपुरको मकवानपुरगढी २‚ शिखरकटेरीमा बसले स्कुटरलाई ठक्कर दिँदा एकजनाको मृत्यु भएको छ।

काठमाडौँबाट वीरगन्जतर्फ आउँदै गरेको बा.प्र.०१-००६ ख ९६११ नम्बरको बसले घुम्तीमा विपरीत दिशातर्फ जाँदै गरेको ना.५९प ३३४५ नम्बरको स्कुटरलाई शनिबार दिउँसो ठक्कर दिँदा स्कुटर चालक स्थानीय ५५ वर्षीय दोर्जेरत्न योञ्जनको मृत्यु भएको हो।