इजरायलका लागि १४६४ जना नेपाली कामदार माग, मासिक तलब सवा ३ लाख

काठमाडौं । नेपाल सरकार र इजरायल सरकारबीच भएको द्विपक्षीय श्रम सम्झौताअनुसार इजरायलका दीर्घकालीन स्याहार केन्द्रमा कामका लागि १ हजार ४६४ जना नेपाली सहायक कामदार (केयरगिभर) को माग गर्दै अनलाइन आवेदन खुलाइएको छ । वैदेशिक रोजगार विभागले सूचना प्रकाशित गर्दै इच्छुक तथा योग्यता पुगेका नेपाली नागरिकबाट आवेदन आह्वान गरेको हो।

कुल माग सङ्ख्यामध्ये १ हजार १३२ जना महिला र ३३२ जना पुरुष कामदार छनोट गरिने विभागले जनाएको छ। छनोट हुने कामदारले मासिक ६,४४३.८५ इजरायली मुद्रा (करिब ३ लाख २३ हजार नेपाली रूपैयाँ) पारिश्रमिक पाउनेछन् ।