सरकारी भवनभित्र रहेका गैरसरकारी संस्था ७ दिनभित्र हटाउन प्रशासनको निर्देशन

जिल्ला प्रशासन कार्यालय काठमाडौं ले सरकारी भवन तथा संरचनाभित्र सञ्चालनमा रहेका गैरसरकारी प्रकृतिका संघ–संस्थालाई ७ दिनभित्र हट्न निर्देशन दिएको छ। कार्यालयले एक अत्यन्त जरुरी सूचना जारी गर्दै यस्तो निर्देशन दिएको हो।

जिल्ला प्रशासन कार्यालयका अनुसार संस्था दर्ता ऐन, २०३४ बमोजिम यस कार्यालयमा दर्ता भएका काठमाडौं जिल्लाभित्रका विभिन्न गैरसरकारी प्रकृतिका प्राविधिक वा पेशागत संघ, संगठन, संस्थाहरूले सरकारी तथा सार्वजनिक निकायका भवन वा संरचनाभित्र कार्यालय सञ्चालन गरिरहेको पाइएको छ।