तीन दिनदेखि अवरुद्ध साँफेमार्तडी सडक सञ्चालनमा , विद्युत् सेवा अवरुद्ध

बाजुरा : अविरल वर्षा र पहिरोका कारण तीन दिनदेखि ठप्प बाजुराको मुख्य साँफे–मार्तडी सडकखण्ड मंगलबार बिहान ११ बजेदेखि पुन:सञ्चालनमा आएको छ। गत शनिबारदेखि परेको वर्षाले विभिन्न स्थानमा पहिरो जाँदा बाजुराको सदरमुकाम मार्तडी जोड्ने यो सडक पूर्णरूपमा अवरुद्ध भएको थियो।

​बडीमालिका नगरपालिकाको कारागार मोड,सेलागाड, सुवाकाँध, राप्का र बिरेखोला लगायतका क्षेत्रमा सडकमाथिबाट ठूलो पहिरो खसेको थियो। सडक विभागका दुई वटा जेसीबी र प्राविधिक टोलीको निरन्तर प्रयासपछि मंगलबार बिहान पहिरो पन्छाएर यातायात सञ्चालनमा ल्याइएको प्रमुख जिल्ला अधिकारी डोरेन्द्र निरौलाले जानकारी दिए।