बस्तीमा डोजर चलाउने सूचना टाँसिएपछि जनकपुरका रजौलवासी आन्दोलित

जनकपुरधाम : प्रधानमन्त्री बालेन्द्र शाह (बालेन) नेतृत्वको सरकारले वर्षौदेखि बसोबास गर्दै आएको बस्तीमा डोजर चलाउने सूचना टाँस गरेसँगै जनकपुरमा आन्दोलन सुरू भएको छ । गुठ्ठी संस्थान जनकपुरधामले ७ दिने अल्टिमेटम सहितको सूचना टाँस गरी स्वयंम घर भत्काउन अन्थाले डोजर लगाएर घर भत्काउने सूचना प्रकाशनसँगै जनकपुरधाम १४ रजौलका स्थानीयबासीहरु आन्दोलित भएका हुन् ।

सरकारले पुस्तौपुस्ता देखि बसोबास गर्दै आएको बस्तिमा डोजर चलाउने तयारी घरेपछि आफूहरूलाई घरवारविहीन बनाउन लागेको भन्दै स्थानीय आन्दोलनमा उत्रेका छन् । बालेन्द्र सरकार र गुठ्ठी संस्थान काठमाडौं–जनकपुर विरुद्ध आन्दोलन गर्दै ढल्केवर जनकपुरधाम सडकखण्ड अन्तर्गत वयस्त सडक जनकपुरको पिडारी चोक स्थित चक्का जाम गरेको हो । ‘बालेन्द्र सरकार मुर्दावाद, घुस्याहा गुठी संस्थान मुर्दावाद, सुकुम्बासीको घरजग्गा मास्न पाईदैन’ जस्ता नारा लगाएर पिडारी चोकमा चक्का जाम गरेका छन्।