गुठीले उठीबास गराउन खोजेको भन्दै जनकपुरमा स्थानीयले गरे चक्काजाम

जनकपुर । जनकपुरधाम उपमहानगरपालिका- १४ का स्थानीयवासीहरुले जनकपुर ढल्केवर मुख्य सडक जाम गरेका छन् । गुठी संस्थानले आफूहरुलाई जबरजस्ती उठीबास लगाउन खोजेको भन्दै मंगलबार (आज) मुख्य सडक जाम गरी प्रदर्शन गरेका छन् ।

गुठी संस्थानले राजगुठी अन्तर्गतका पोखरी तथा पोखरीका डिलमा भएको अतिक्रम हटाउने कार्य गरिरहेको छ । सो अन्तर्गत एक चरणको पोखरी तथा पोखरीको डिल खाली गर्ने कार्य भइसकेको छ भने गत १९ गत्ते गुठी संस्थानले पुनः १४ स्थानका अतिक्रमित जग्गा खाली गर्न सूचना निकालेको छ । जनकपुरधाम उपमहानगरपालिका वडा नं.१४ स्थित लब्कि पोखरी वरीपरि बसोबास गरीरहेका स्थानियहरुले गुठी संस्थानमाथि जबरजस्ती बिना प्रमाण आफूहरुलाई जग्गा खाली गर्न सूचना टाँसोको गुनासो गरेका छन् । ७०–८० वर्षदेखि आफूहरु सो स्थानमा बसोबास गर्दै आएकोले अब आएर जबरजस्ती खाली गर्न सूचना निकालेकोप्रति उनीहरुले विरोध जनााएका छन् ।